Emigracioni, Kiti i mbijetesës

Mirëseerdhët në siton shumëgjuhësh të Imigracionit, të Mikpritjes dhe të Integrimit në Romë dhe Provincë

SUGJERIME TE DOBISHME PER IMIGRANTET NE ROME DHE PROVINCE

CFARE DUHET TE KRYHENI SAPO ARRINI NE ITALI

1.Brënda 48 orësh, personi në shtëpinë e të cilit jeni strehuar, duhet tju deklarojë pranë Rajonit te Policise (Commissariato di zona) ose pranë policisë së bashkisë (Vigili urbani), per ata qe banojnë jashtë Romës. Formulari që duhet plotësuar dhe dorëzuar quhet "COMUNICAZIONE DI CESSIONE FABBRICATO". Ky formular mund të blihet në dyqanet e quajtura " Buffetti". Ky formular duhet plotësuar në të gjitha pjesët e tij dhe dorëzuar në Rajonin e Policisë të zonës.Bashkëngjitur duhet të dorëzoni : fotokopje të letërnjoftimit (carta d'identità) te te zotit të shtëpisë,ose të permesso di soggiorno (nëse nuk është qytetar italian),gjithashtu fotokopjen e pashaportës të atij që vjen në Itali.Në pamundesi, ky formular dhe dokumentat mund të dërgohen në Rajonin e Policisë të zonës me leter rekomande.
2.Brënda 8 ditësh (pa përfshirë të dielat e festat) nga data e hyrjes në Itali, duhet bërë kërkesa për leje qëndrimi (permesso di soggiorno).
a)Në Zyrën e Emigracionit (Ufficio Immigrazione) te Kuestures së Romës që ndodhet në Via Genova,nëse keni një vizë të tipit "C" e vlefshme më pak se 90 ditë ,ose nëqoftëse vini nga vënde që nuk kanë nevojë për vizë për të hyrë në Itali për turizëm.
b)Në Rajonin e Policisë të Zonës (policia pranë banesës) për të gjithë tipet e tjera të vizave( që jane të vlefshme për më shumë se 90 ditë ).
- Nëqoftëse kur kanë shtypur permesso di soggiorno kanë bërë ndonjë gabimnë të dhënat e tua,duhet të shkosh në Zyrën e Emigracionit pranë Kuesturës së Romës
në Via Genova për të kërkuar korigjimin(edhe në rastin kur permesso di soggiorno
është marë në Rajonin e Policisë të Zonës.

3.Mbasi të keni marë permesso di soggiorno duhet :

Paraqitur në Zyrën e Tatimeve (Ufficio delle Entrate) për të kërkuar kodin tatimor (Codice Fiscale).
Paraqitur në Bashkinë përkatëse(Municipio di appartenenza)për të kërkuar regjistrimin (residenza) dhe mbasi të kesh marë residencën kërkohet letërnjoftimi (Carta d'Identità).
Paraqitur në Ambulancën e zonës (ASL di Zona)për të kërkuar regjistrimin në Shërbimin Shëndetësor Kombëtar (SSN) dhe pas kësaj të caktohet mjeku i familjes.

Një dokument njohje, për shëmbull letërnjoftimi (carta d'identità) ose pashaportën, fotokopje e vërtetuar e dokumentit njohës;

Të paktën një skedë telefonike;

Të paktën dy bileta për autobus dhe metro sepse nuk mund të blihen brënda automjeteve të trasportit publik dhe gjoba për ata që nuk kanë biletë të shtypur është € 51;

Të paktën dy numura telefoni të të afërmëve ose miqve (për cdo rast);

Numurat e telefonave ( falas ) për urgjencat;

Një fletë ( më mirë një recetë mjeku ) ku të tregohen: grupi i gjakut,nëqoftëse përdor ilace të urgjencës që të shpëtojnë jetën,nëqoftëse vuan nga ndonjë sëmundje të rëndë si për shëmbull, diabeti,zemra,azma,alergjite,etj.;

Nëqoftëse nuk di të flasësh italisht është e rëndësishme të kesh me vehte një fletë të shkruar në italishtku të jenë disa të dhëna personale të rëndësishme , që tja japësh për të lexuar që të të kuptojnë:

NUMURA TELEFONIKE TE NEVOJSHEM(FALAS) PER URGJENCAT

KUR HUMBET OSE TE VJEDHIN DOKUMENTAT

Në rast se humbet ose të vjedhin një dokument identiteti duhet të denoncosh menjëherë vjedhjen ose humbjen në Rajonin e Policisë më të afërt në atë moment (keshillohet që të kesh gjithnjë një fotokopje të dokumentave kur i merr në dorëzim).

Për sa i përket pashaportës mbas denoncimit duhet shkuar në Ambasadën e vendit tënd në Romë, për të paraqitur denoncimin,mundësisht me një dokument të vlefshëm me vehte (Letërnjoftimi,patentë edhe po të jetë shqiptare) dhe të kërkosh një Deklaratë Konsullore që vërteton identitetin e kërkuesit (dokument me fotografi), ose një pashaportë të re.

Për sa i përket Permesso di Soggiorno,mbas denoncimit duhet shkuar në Zyrën e Emigracionit në Kuesturën e Romës në Via Genova për të kërkuar dublikate të permesso di soggiorno(formulari plotësohet në Kuesturë), duke paraqitur:
pashaportën ose deklaratën konsullore të Ambasadës si dhe një fotokopje të saj.
4 foto një pullë(marca da bollo) prej 10,33 Euro .

Për dokumentat si: Letërnjoftimi(carta d'identita), codice fiscale dhe patentë,mbasi të keni me vehte denoncimin, permesso di soggiorno dhe pashaporte, duhet shkuar në zyrat që kanë lëshuar këto dokumenta (bashki,zyra e tatimeve,motorizazione).

INFORMACIONE TE DOBISHME

Të gjithë qytetarëve të huaj (të regullt ose jo), që janë përkohësisht prezent në territorin italian,ju garantohet ndihma mjekësore e spitalore për rastet e urgjencës dhe për mjekimet ambulatore më të rëndësishme (edhe nëse zgjasin në kohë) për semundje dhe aksidente. Gjithashtu garantohet mbrojtja shoqërore dhe ndihma për shtatzaninë dhe për fëminë e lindur deri sa të mbushë gjashtë muaj.
Të huajt që nuk janë në rregull me dokumenta, për të patur mundësi që të shfrytëzojnë ndihmën e Shërbimit Shëndetësor Kombëtar (SSN) duhet të rregjistrohen me STP (I Huaj Përkohësisht në Territor),regjistrimi bëhet me një kod identifikimi që është i vlefshem në gjithë territorin e Italisë.Ky Kod është pa emër dhe shërben vetëm për qëllime shëndetësore.
Fëmijët minorë të emigrantëve të regullt dhe të paregullt,mund të fillojnë ose të vazhdojnë vaksinimet e detyrueshme falas,duke u paraqitur në ASL.
Në rastet kur kanë probleme shëndeti mund ti drejtohen ASL dhe për rastet e urgjencave Ndihmës së shpejtë (Pronto Socorso)

Fëmijët minorë kanë të drejtë dhe detyrë të regjistrohen në shkollat shtetërore.
Studentët kanë të drejtë të përfitojnë bursa studimi nëqoftëse plotësojnë kërkesat.

Në disa gazeta (në Romë për shëmbull gazeta Portaportese),dhe në revista të specializuara mund të gjënden informacione të nevojshme mbi banesat me qera.Revistat e specializuara mund të gjënden falas në zyrat e agjensive imobiliare,në Rome është p.sh. Gabetti, Tecnocasa, Toscano.
Kur lidhet një kontratë qeraje duhet të verifikoni që ajo të jetë e regjistruar në regjistrin përkatës (Ufficio del Pubblico Registro)

Cdo vit edhe për punëtorët e huaj në Itali është e detyrueshme që të bëjnë deklarimin e të ardhurave.Kjo shërben për të vërtetuar të ardhurat kur të kërkohet
Për të punuar është e detyrueshme të jesh i regjistruar në Zyrën e Punës (Centro per l'Impiego).
Eshtë e mundur të gjesh punë edhe duke ju drejtuar Agjensive të Punës (Agenzie Interinali), në Romë janë p.sh. Adecco,Manpoëer, Kelly Service, Orienta. Gjithashtu është e mundur të kërkohet punë nëpërmjet konsultimit të gazetave të specializuara, në Romë janë p.sh. Lavorare dhe Portaportese.

Për të marrë patentën duhet të drejtohesh në Zyrën e Patentave(Uffici provinciali della Motorizzazione Civile)ose një Autoshkollë (Scuola Guida)të zonës ku banon.

Për të shfrytezuar transportin publik duhet të kesh blerë biletat para se të hypësh në mjetet e transportit, ose duhet të jesh i abonuar.Biletat dhe aboneja mund të blihen në dyqanet e cigareve ose ku shiten gazetat e revistat (Tabaccheria ose Edicola)

Skedat e telefonit gjënden në dyqanet e tabaccherive me shenjen "T" ose në dyqanet e gazetave.Janë me cmime të ndryshme,edhe apostafat për të folur me jashtë shtetit.
Hartat e qytetit gjënden nëpër dyqanet e gazetave (Edicole) ose në stacionet e qëndrore të trenave në qytet. Në stacionet qëndrore ose në stacionet e metrosë janë nëpër mure hartat dhe mund të shikohen e shfrytëzohen, gjithashtu nëpër stacione ose në qëndër të qytetit ka zyra për informacion (Uffici di Informazione) falas per turistët që njihen nga simboli "I" që kanë në hyrje..
Në Bar-Kafete që kanë telefona publike ,mund të shfrytëzohen për informacion falas Librat e Telefonave dhe Librat e verdhë (Pagine Gialle-lista endërmarjeve,shërbimeve, dyqaneve, etj.që kanë adresat dhe numurat e telefonave).