QËNDRAT E SHËRBIMEVE PËR IMIGRACIONIN TË PROVINCËS
SË ROMËS (CSI)

Kënaqësia për t’u njohur me njëri tjetrin…..
Historia e një emigranti fillon gjithmonë me një udhëtim.
Një udhëtim për të përmirësuar kushtet e jetesës apo shpesh ato të familjes dhe të fëmijëvë të tij. Për të realizuar dëshirën për një jetë më të mirë lihen dashuri, njerëz të afërt dhe vende ku je rritur dhe ke jetuar;
Shkohet drejt një kohe dhe hapsire të panjohur, me shpresë, që, dikush, atje ku shkon, të të kuptojë dhe të të mirëpresë.
Institucionet kanë për detyrë t’i nxjerrin në pah këto probleme, dhe për sa është e mundur, të krijojnë struktura të përshtatshme për të dëgjuar, pritur, orientuar dhe vlerësuar njerëzit të cilët kanë vendosur të jetojnë së bashku me ne.
Provinca e Romës dëshiron dhe duhet të bëjë pjesën e saj në këtë proçes. Qëndrat e Shërbimeve për Imigracionin dëshirojnë të përfaqësojnë një sinjal të rëndësishëm në këtë kuptim: vende dhe kohëra ku imigrantët konsiderohen pasuri njerëzore, kulturore dhe shoqërore ; ku mirëpriten në shoqërinë tonë dhe ku mund t’a ndjejnë vehten krenarë për origjinën e tyre, krenarë që jetojnë në Vendin tonë, në qytetin tonë, në Provincën tonë ; ku mund të tregojnë zotësinë dhe kompetencat e tyre profesionale.
Ku historia e tyre mund të vazhdojë së bashku me tonën.

Enrico Gasbarra                                            Claudio Cecchini
Presidente                                                     Assessore

PROVINCA E ROMËS DHE QËNDRAT E SHËRBIMEVE PËR IMIGRACIONIN

Në shoqëritë moderne perëndimore, prezenca e imigrantëve është një fenomen tashmë i rrënjosur dhe pjesë përbërëse e strukturës së tyre.
Provinca e Romës, duke u nisur nga kompetencat e veta institucionale, ndjek politikën e mirëpritjes dhe respektit të kulturës së imigrantit, me qëllim promovimin dhe mbështetjen e zhvillimit të një shoqërie multietnike, të konsoliduar dhe të bashkuar.
Parimi udhëheqës është qeverisja e fenomenit migrator duke i kushtuar vëmendje njeriut, si një subjekt aktiv  në një univers të përbashkët, element i cili e pasuron shoqërinë nga ana kulturore dhe ekonomike.
Në kuadrin e planifikimit territorial të ndërhyrjeve dhe shërbimeve, me qëllim lehtësimin e proçesit të integrimit shoqëror të qytetarëve imigrantë, Provinca e Romës ka ngritur Qëndrat e Shërbimeve për Imigracionin(CSI).

Qëndrat e Shërbimeve për Imigracionin (CSI), të cilat administrohen me mbështetjen e  Capitale Lavoro SpA,  informojnë dhe orientojnë qytetarët imigrantë :

• ndihmojnë nëpërmjet ndërmjetësimit shoqëror – kulturor dhe gjuhësor, informojnë mbi të drejtat dhe detyrat të përcaktuara në normativën kombëtare dhe rajonale, mbështesin qytetarin në kryerjen e praktikave administrative, si edhe orientojnë dhe mbështesin atë me qëllim autopromovimin;
  
  
• realizojnë lidhjen me institucionet dhe me rrjetin e shërbimeve territoriale publike dhe private, me qëllim lehtësimin e proçesit të integrimit të plotë qytetarit imigrant;
  
  
• mbledhin të dhënat për Mbikqyrësin Provincial të Imigracionit (Osservatorio Provinciale sull’Immigrazione) si edhe për Mbikqyrësin Rajonal mbi Integrimin dhe Multietninë, duke qënë dëshmitari i drejtëpërdrejtë i nevojave të popullsisë imigrante rezidente;
  Qëndrat e Shërbimeve për Imigracionin (CSI) gjinden pranë nëntë Qëndrave për Punësim në territorin e provincës. Së shpejti do të hapet edhe Qëndra e dhjetë e cila do të ndodhet pranë Qëndrës së Komunës së Fiumiçinos, e ndarë nga Palidoro.

Në fushën e imigracionit, Provinca e Romës :

• promovon integrimit nëpërmjet politikave aktive shoqërore, politikave të punës dhe të formimit me qëllim që qytetari imigrant të mundet të projektojë të ardhmen e tij duke u nisur nga kompetencat objektive që zotëron;
  
  
• mbështet dinamikat e integrimit shoqëror dhe kulturor të popullsisë imigrante, duke zhvilluar pjesëmarrjen në bazë shoqatash;
  
• ka realizuar Mbikqyrësin Provincial të Imigracionit (Osservatorio Provinciale sull’Immigrazione) me qëllim analizimin e nevojave, përpunimin dhe zbatimin e politikave që duhen zbatuar në nivel lokal.

OBJEKTIVAT E SHËRBIMIT

Objektivi kryesor i Qëndrave të Shërbimeve për Imigracionin (CSI) është integrimi dhe promovimi i të drejtave të qytetarisë të popullsisë imigrante.

Aktiviteti i tyre është falas dhe i drejtohet të gjithë qytetarëve imigrantë, në respekt të plotë të të drejtave themelore të njeriut, pa dallim kulture, gjuhe, feje, origjine, gjendje shoqërore dhe politike.

Lehtësojnë komunikimin ndërmjet qytetarëve imigrantë dhe Administratës Publike italjane.

Promovojnë integrimin dhe njohjen e shërbimeve publike pranë komuniteteve të huaja duke kontribuar, në këtë mënyrë, në vendosjen e raporteve të besimit dhe të shkëmbimit.

Garantojnë shtrirjen territorjale dhe homogjenitetin e informacionit.

Të favorizojë integrimin dhe promovimin e të drejtave të qytetarisë.

Të nxisë aktivitetet me qëllim përgjigjen në mënyrë efikase ndaj kërkesave dhe nevojave të popullsisë imigrante duke e përfshirë atë në mënyrë aktive.

Të kryejë aktivitete në rrjet me shërbimet publike dhe private të cilat veprojnë në këtë sektor.

Të garantojë të drejta të barabarta në shërbimet e ofruara duke respektuar diferencat.

Të realizojë mledhjen e të dhënave, në bazë provinciale, në lidhje me kushtet e popullsisë imigrante.

KUJT I DREJTOHET SHËRBIMI

• Qytetarëve imigrantë të cilët jetojnë në territorin e provincës së Romës
  
  
• Qytetarëve italjanë të cilët kanë nevojë për informacione në lidhje me imigracionin.
  
  
• Subjekteve publikë dhe private të cilët punojnë në këtë sektor.

SHËRBIMET QË OFROHEN

Qëndrat e Shërbimit për Imigracionin sigurojnë:

• Informacione në lidhje me:
• të drejtat dhe detyrat e qytetarëve,
• të drejtën e shërbimeve shoqërore, shëndetësore, shkollore dhe të kohës së lirë,
• të drejtën e shërbimit të pritjes (accoglienza),
• shkollimi dhe formimi profesional,
• njohja e titujve të studimit,
• kurse në gjuhën italjane.
• Ndihmë për nisjen e praktikave administrative në lidhje me:
• kërkesë, rinovim apo ndërrim i lejeqëndrimit,
• kërkesë e të drejtës së azilit apo të statusit të refugjatit,
• kërkesë për bashkim familjar,
• kërkesë për kartën e qëndrimit,
• kërkesë për shtetësi.
• Veprime për integrim shoqëror:
• ndërmjetësi gjuhësore, shoqërore dhe kulturore,
• mbështetje e vetëpromovimit,
• aktivitete në bashkëpunim me shërbimet e tjera publike dhe private,
• shoqërim në shërbimet publike dhe private.
• Shërbime konsulence operatorëve dhe/ose  shërbimeve publike dhe private.
• Nisma kulturore dhe shoqërore mbi tematikën e imigracionit.

AKTIVITETET

Front Office
Parashikon pritjen (accoglienza) dhe lejon :

• paraqitjen e kërkesave për informacione dhe ndihmë,
• marrjen e përgjigjeve të menjëhershme.

Gjatë bisedave sigurohet respektimi i ligjeve në lidhje me  privacy.

Back Office
Garanton cilësinë e shërbimit nëpërmjet:

• programimit periodik të aktiviteteve,
• mbikqyrjes së aktiviteteve,
• formimit kohë pas kohe të operatorëve,
• bashkëpunimit me shërbimet publikë dhe private,
• aktiviteteve në lidhje me përpunimin e të dhënave.

ORGANIZIMI

Shërbimi
Qëndrat e Shërbimit për Imigracionin gjinden në Qëndrat për Punësim të Romës - Cinecitta, Roma-Dragoncello, Cerveteri, Colleferro, Frascati, Morlupo, Monterotondo, Pomezia, Tivoli. Së shpejti do të hapet edhe pranë Komunës së Fiumiçinos, në qëndrën e ndarë të Palidoro-s. Orari i pritjes është: Nga e hëna në të premte prej orës 9.00 deri në orën 12.30; të martën dhe të enjten prej orës 14.45 deri në orën 16.45.
Qëndra e Pomezia- s punon vetëm gjatë orarit të pasdites.

PRITJA

Parimet themelore, mbit të cilat zhvillohet aktiviteti i Qëndrave të Shërbimit të Imigracionit,  bazohen në respektin e identitetit të njeriut që ka emigruar, në mirëpritjen, në dëgjimin, në kuptimin e gjuhës dhe të kulturës, në interpretimin e nevojave dhe në mbështetjen aktive me qëllim zgjidhjen e problemeve.

KOMUNIKIMI NË GJUHËT E MËPOSHTME

ARABISHT
SHQIP
BENGALEZE
BHOJPURI
BOSNJAKE
EKOSLLOVAKE
KINEZE
KREOLO
KURDE
ETIOPE
EWE
FRANCEZE
GJEORGJANE
HINDI
ANGLEZE
KIRUNDI
LINGALA
POLAKE
RUSE
RUMANISHT
SERBE
SPANJOLLE
SËAILI
TAGALOG
GJERMANE
TIGRIGNO
UKRAINE

PËRPUNIMI I TË DHËNAVE

• Garanton monitorimin e fenomenit të imigracionit si edhe shpërndarjen e informacioneve.

EKIPI OPERATIV     Koordinator

Ndërmjetësit gjuhësor dhe kulturor     
Përgjegjësi i të dhënave dhe informacioneve
Personeli administrativ